ուշաթափ

Ձեռքերն ուշաթափվեցին
Ձեռքեր վրա,
Հետո կարմիր ու կանաչ լույսեր եղան․

Կարճամետրաժ ֆիլմի էմոցիաները
ժպիտ հորինեցին իմ ու քո դեմքին -

Դու ուշաթափ չեղար,
Ես ուշաթափվեցի մյուս մայթին․

125․․․

մոլորակ

հետ, առաջ, հետ.
կանգառ․
կանգ ա՛ռ․
ձեռքեր խրվեցին
տարածության խրձում
ինչ-որ բան գտնելու համար․
փնտրող հայացքներ եկան-գնացին
ու ․․․ բան էլ չգտան․
սպասել էր պետք,
շատ․
մի ամբողջ կյանք էր պետք
ինչ-որ բան գտնելու համար․
այդ մոլորակում
այդ մասին ոչ ոք չգիտեր,
ու ոչ ոք ոչ ոքի չէր ասել․

այդ մոլորակում

դեռ սպասում են․

ու ամենուր  են սպասում,
ամենուր՝ կանգառ․

հետ, առաջ, հետ.

կանգառ․

կանգ ա'ռ․

125․․․