դասական, բան

ու ․․․ դասական սինուսոիդ

իմ մեջ արթնանում է,

ու իմ մեջ արթնանում է կորությունը․

ու ավտոբուսից ներքև

էլի դասական

ու էլի դասական ուղի՜․

ու մակընթացում

ինքնության բարձրացում -

մինչև իմ բարձրությունը

աստիճաններ

ու աստիճանները տրոփում են

․․․ ներքև է իջնում է աշունը․ 

125...

ականջ

աշունը տերևաթափի համար է,
ականջներն այդպես էին սովոր․

ականջներում՝ բառաթափ․
աշուն, աշուն ու աշուն․

ամենաթափ․
սկզբում տերևներ,
հետո թափ, թափ ու թափ․
մաշկաթափից հետո թևաթափ եղար․

125․․․

Եվայաբար

աշունն իմ առջև տերևաթափ եղավ,
վերջին վայրկյանին,
երբ չէի սպասում․

և դու ինչու՞ տերևաթափ եղար,
վերջին վայրկյանին,
երբ չէի սպասում․
ու Եվայաբար տերևաթափ եղար -
Ադամից հեռու․

125․․․