ինչպես՝ ֆիլմերում

էլի ասուպ ընկավ․

ու մի երազ էլ սատկեց․

իմ գլուխն եմ առնում ափերիս մեջ,
ինչպես՝ ֆիլմերում․

գրողը տանի,
էս ինչքա՜ն եմ ծխել․

125․․․

cancel․․․

Նկարել եմ․․․
Իմ ու քո պատուհանի եղյամապատին
Pixel-առ-pixel
Քեզ եմ նկարել իմ բյուրեղներից-
Ինչպես որ կաս․

Իմ ու քո պատուհանի եղյամապատին
Քեզ եմ հավաքել
Բյուրեղ-առ-բյուրեղ,
Այնպես, ինչպես որ զգում եմ,
Ինչպես որ զգում եմ, կաս․

Իմ ու քո պատուհանը
Չի՜ ուզում Cancel․
Իմ ու քո պատուհանի եղյամապատին
Ես Yes և Du եմ նկարել․․․

125․․․

...

Ձմեռն իր ասելիքն ասաց․․․
Ականջիս ասաց,
Սվվոցո՜վ․
Հասկացա՜ -
Ես 4 մասից եմ կազմված -
Ձմեռ, ձմեռ, ձմեռ, ձմեռ․

125․․․

բիթ-բիթ

բիթ-բիթ,
բայթ-բայթ,
բառ-առ-բառ
կրկնում եմ
Այն՝ որ չասեցի երեկ,
Այն՝ որ ականջիդ անսովո՜ր մնաց,
Այն՝ որ միայն 0-ներ էին
Ու 1-եր էին երեկ.
Լսիր իմ ձայնը, եթե մեռած չես․

125․․․

զուր

Ոչ՛ մի տեղ էլ թաքնված չես,
Դու ե՜ս եմ եղել․
Իսկ ես մարմինս էի քերում․․․
Քեզ պոկելու համար,
Ու՜շ է․
Զու՜ր․

125․․․

Արթնացի՜ր քնից, եթե մեռած չես․

Արթնացի՜ր քնից, եթե մեռած չես․
Արթնացիր՛,
Իմ ու քո գեղեցկությունից
Մեկ ուրիշն եմ ուզում կերտել․
Ինձ ու քեզ նման․
Արթնացիր՛.

Առավոտ է․
Արթնացիր, եթե մեռած չես․
Եթե մեռած չես, տե՜ս առավոտը․
Եթե մեռած չես, հասկացիր՜ -
Իմ մեջ արթնացել է
Հայր լինելու ցանկությունը․
Արթնացիր՛.

125․․․

անուշ ծուխ

Դատարկություններդ․․․

Սիգարետի ծխով լցրու՜,

Մի բանով լցրու՛,

Թող լիքը լինի․․․

Թող անուշ ծուխ լինի․

125․․․

Քաղցկեղ

Ասում էի․
- Օգնի՜ր ինձ Մարիա՜մ․
Հիմա՝ գոռում եմ,
Կռկռու՜մ եմ՝
- Օգնի՜ր ինձ Մարիա՜մ․

Չե՜մ կարողանում
Մեջս ներծծված
Քաղցկեղանմնան
Չգոյությունը մաքրեմ,
Չե՜մ կարողանում
- Օգնի՜ր ինձ Մարիա՜մ․
Կռկռու՜մ եմ․

Կարող ես քերել․․․
Հագուստս՝ մաշկ անունով,
Թե դա է լուծումը -
Էլ չեմ կռկռա՜․

- Օգնի՜ր ինձ Մարիա՜մ․

Կռկռու՜մ եմ․

125․․․

քիչ բան է փոխվել

Ցնծա՜,
Մարդ ծեծեցին,
Իմ Հին Հռոմեացի բարեկամ,
Իմ քարանձավաբնակ նախամարդ,
Իմ ինֆուզորիա ջան․

Ու բարեկամս պատից ցած ընկածի պես գոռա՜ց․
- Գլադիատորնե՜ր ջան,
Բա իրար խի՞ չծակիք, բռա՜տ․

Back,
Իսկապես,
Ոչի՜նչ չէր փոխվել․
Մարդիկ այս ու այն կողմ էին վազում․

Back ․․․
․․․ Ու ․․․ մարդ խորովել ուզեցի․
Ասում են՝ համեղ ա․

Back,
Ծխեցի ու ներս մտա,
Քարանձավում մի քիչ տոթ էր․
Օդափոխիչն էլ՝ անջատած․

125․․․

իրիկնամուտ

սիրու՜ն էր իրիկնամուտին․
խոտերը հատ-հատ պառկում էին քնելու․

մենք միասին պառկեցինք․

125․․․

․․․

Տե՛ս,
Ինչ սիրու՜ն ծաղիկներ եմ բերել քեզ․
Ու զարմանալ պետք չէր -
Անսահման խո՜րն էին ոչխարի աչքերը․

125․․․

Ափսոսանք․․․

Առավոտյան ես փորձեցի բռնել հեռու փախչող օրվան,

Եվ նրան հասա միայն իրիկնամուտից առաջ,
Երբ խոնարհվում էին ծաղիկները խոտերի վրա,
Երբ ջրերը գիրկն էին հասնում ծովի,
Եվ գյուղ էին մտնում հովերը՝ սարերից պոկված․

․․․Եվ հասա․․․
Մի ծաղիկ, ահա, իր գլուխն է խոնարհում
․․․մեկ ուրիշի վրա․․․

125...

Համարյա՝ Desktop

Կախվել են մտքերը ժանգոտված հույսերից,

Որ քիչ առաջ կապու՜յտ էին այնպես, թեթև՜ էին այնպես,
Եվ պատկերներն են խռնվում Իրականություն կոչվող
Այս մեծ էկրանին․
-Եվ ինչ՜․
-Մի հիմար քայլից փոխվում է, ահա՛,
Մի ո՜ղջ առօրյա․

Ու ես, անզո՜րս, ես ամաչու՜մ եմ․․․
Տվածդ ցավից,
Ես ամաչու՜մ եմ․․․

-Ու ի՞նչ է մնում -
Աչքերս փակել՝ սևացնելու համար
Իրականություն կոչվող
Այս էկրանը մեծ․․․

125...

Եվայաբար

աշունն իմ առջև տերևաթափ եղավ,
վերջին վայրկյանին,
երբ չէի սպասում․

և դու ինչու՞ տերևաթափ եղար,
վերջին վայրկյանին,
երբ չէի սպասում․
ու Եվայաբար տերևաթափ եղար -
Ադամից հեռու․

125․․․

ping

ինչ սիրու՜ն ես ժպտում,
իմ բոլոր զգայարաններով
քո ժպիտն եմ զգում,
ու քեզ եմ թեքվում
սպասումո՜վ․

իմ տեխնիկական,
մանրաթելային,
ու էլեկտրական զգայարաններով
քո ժպիտն եմ զգում՝
Desktop-ից այն կողմ․

Եվ իմ virtual ռոմանտիզմից
դեպի քո virtual ներաշխարհը
տեսնես քանի՜ էլեկտրոնային
իմպուլս է անցնում հիմա․

ինչ սիրու՜ն ես ժպտում,
իմ բոլոր զգայարաններով
քո ժպիտն եմ զգում շռայլ,
քո smile-ը փայլուն․
(blush)

ես արդեն այդպես եմ զգում
իմ տեխնիկական,
մանրաթելային,
ու էլեկտրական զգայարաններով․

երևի՝ ես մարդ չեմ արդեն․․․
շաաա՜տ հիասթափություն․․․

125․․․

Ափ

Ափս կորցրած ծով եմ դարձել․
Ցամաքս ու՜ր ես․
Չբացվող գիշեր եմ դարձել․
Ցերեկս ու՜ր ես․
Եվ ճաքած հո՜ղ եմ․
Եվ չորացած աղբյուր,
Ու ափս կորցրած ծով․
Ափս ու՞ր ես․

125․․․

վիրահատում

մաշկի վրա
ոտնահետք - 40 համար․
մի աչք էլ՝ դաջված մեջքին․

սա էր անատոմիան ․․․
գեղեցիկի,
վիրահատումից․․․

125․․․

Անունդ ցամաքե՜լ է

Անունդ շուրթերիս -ճղակոտոր է եղել,
Անունդ՝ այնքան անու՜շ -
Տերևաթափ է եղել․

Անունդ՝ տոթ,
Շուրթերիս մրսու՜մ է,
Շուրթերիս տանջվու՜մ է,
Ծամածռվու՜մ է շուրթերիս․

Անունդ՝ այնքան հորդ -
Ցամաքե՜լ է շուրթերիս,
Ճղակոտո՜ր է եղել՝
...Ինչպես՝ ես․

125․․․

Անտիռեկուրսիա գիշերային

Դու` գերո՜ղ այնքան,

Դու` երա՜զ նրբին`
...երազելուց առաջ.

Քո ժպիտով, կարծես,
Լցվե՜լ է, ահա՛,
Գիշերն այս մթին,
Որ պայծառ է այնպե՜ս,
Եվ ես չե՜մ քնում.
Ես երազում ...
Երազու՜մ եմ, տես՜՜՜...

ու ... գրողը տանի,
արթնացա էլի․
Լուսինեն էր՞, Նարինեն էր՞, ...

քունս չի՜ տանում, դու էլ մի քնի՛ր...

125...

․․․

Երակներիս փոխարեն
էլեկտրալարեր են ձգվում,
Չգիտեմ՝ մինչև եսիմ ուր․
Սիրտս կանգ է առնում․
․․․ անջատում․

125․․․

Lost

Իրիկնամուտին ես կորցրի նրան,
և չգտա ոչ՛ առավոտյան և ոչ՛ էլ մյուս իրիկնամուտին...

125...